تهامه — جزیرة العربك بحر احمر ساحل غربیسی بوینجه امتداد ایدن صحاری ایله اوزرنده كائن جبال عادیه+یه دنیلوركه داخلی اشبو امتداده موازی اوله+رق (سرا) دنیلان جبال متسلسله+در تهامه+نك یمن جبال سراسنه محاذی اولان قسمنه (تهامۀ یمن) و عسیر جبال سراسنه محاذی اولان قسمنه )تهامۀ عسیر) و حجاز جبال سراسنه محاذی اولان قسمنه تهامۀ حجاز) دینور تهامه اراضیلرنده جنس حبوباتدن (دوره) دنیلان بر نوع داریدن بشقه شی حاصل اولمز فقط یمن تهامه+سنك وادیلرنده بعضاً مصر بغدایی و بكرلجه اكیلور. دوره. درت جنس اولوب ایكیسنك جنسی بیاض اوبری قرمزی دیكری صاریدر و بر جنسی بر دفعه اكیلوبده وقت حصاددن صكره بر كره جك یغمور یاغه+جق اولور ایسه اوچ كره دها محصول النور اهالی كاملاً دوره اكمكی ییوب حیوانلرینه ده صاپلرینی یدیررلر بعض یرلرده سیسام زرع ایتدكلریده واردر.