تونس — دولت علیه+نك ممالك ممتازه+سندن بر ولایتدر اراضیسی شمالدن جنوبه طوغری طولاً بشیوز سكسان و عرضاً ایكیوز طقسان كیلو مترودر و اهالیسی ایكی ملیون بشیوز بیكدن زیاده+در مقر ادارە+سی یوز یكرمی بیك نفوسی جامع اولان (تونس) شهریدر و هواسی سیجاق ایسه ده غایت منبت و محصولدار اولدیغی كبی اوروپای جنوبی ایله اقطار معتدلۀ سائره+ده بولنان هردرلو محصولاتی یتشدیرمكده+در وآتلری و دوه+لری و كوكرجنلری و ایلیجه+لری و معدنلری كوزلدر و صابون و یوك قماش و سختیان و شال و فس كبی شیلر اعمال اولنمقدە+در و تجارتی واسعدر. تونس اسکی قارتاجلرك ممالك مشهوره+سندن اولوب انلرك انقراضیله روما دولتنه و بر ارە+لق (وانداللر) و ایمپراطور (ژوستنین) زماننده شرق اداره+سنه و (٨٠٠ م و ١٨٤ ه) تاریخنده بنی اغلب حكمدارلرینه و (٩٠٩ م و ٢٩٧ ه) تاریخنده علویلردن (مهدی) نامنده بر ذاتك ظهوریله تشكل ایدن (ملوك فاطیه)یه و (١١٦٠ م و ٥٥٥ ه) تاریخنده موحدین فروعندن حفصیونه كچدی و (١٥٧٣ م و ٩٧٨ ه) تاریخنده اهالینك استرحاملری اوزرینه جزایر بكلر بكیسی اولوج )قلیج علی بك) كیدوب دولت علیه نامنه ضبط ایلدی و اوچ سنه صكره اسپانیالولرك معاونتیله ظهور ایدن اختلال حرباً برطرف اولدی. شمدی دخی فرانسه
دولتی بعض بهانه+لرله و كویا عشائرك اصلاحی قصدیله عسكر سوق ایدوب اهالینك مدافعه+سنه قارشو محاربه ایتمكده و دولت علیه+نك پرتستوسنی كچشدیرمك ایله اوغراشمقده+در.