تونبوقتو یاخود (تونبوتو) — افریقاده سودان شمالینك غرب شمالیسنده و (نیزر) نهری جوارنده بر بیوك اسلام زنجی حكومتیدر و یكرمی بیك نفوسی جامع اولان مركز اداره+سی دخی (تونبوقتو) نامیله
مشهوردر. و شرق جنوبیسنده و اون طقوز كیلو مترو بعدنده اولان )قابر) لیمانیدر. بوراسی مقدما ابن بطوطه و لئون معرفتلریله بر درجه+یه قدر كشف اولندیسه ده اوروپالیلرجه اصل كشفی (١٨٢٨ م و ١٢٤٤ ه) تاریخنده (قایه) معرفتیله+در مرقوم اولوقت پارس جمعیت جغرافیسی طرفندن اون بیك فرانق مكافاته نائل اولمشیدی.
)تونبوقتو) وقتیله فاس دولتی حمایه+سنده ایكن (١٧٩٥ م و ١٢١٠ ه) تاریخنده استقلال بولدی فقط شرلرندن امین اولمق ایچون شمدی قومشولری اولان (تواریك)لره بر مقدار شی ویرمكده+درلر.
)تونبوقتو) افریقانك ایچرولرندن كلان تجارلرك آره یتاغی اولدیغندن +آن بآن كسب ترقی و عمرانه استعداد فراوان كوسترمكده+در