ابو العباس آلاملی — كملین اولیاءاللهدندر و اسمی احمد بن محمد
و شهرتی قصاب زاده+در. مشارالیه حضرتلری زماننك غوث اعظمی ایدی
و هر طرفدن مشایخ كرام كلوب توجهات سنیه+لریله مستفیض اولورلر
و اصول دینده و دقایق توحیدده اولان مشكللرینی عرض ایدرك حضرت
شیخك هیج اوقویوب یازمسی اولمدیغی حالده جوابنی الورلر ایدی.
بر كون بر درویش كلوب كرامت استدكده (اولادم سكا شو كرامت
یتشمزمیكه الله تعالی و تقدس حضرتلری بنم كبی بر امی قصاب اوغلنه
بو قدر نعمت احسان ایتمش و بونجه عالم و فاضلی شرق و غربدن التونلر
خرح ایده+رك كتوردوب نائل مرام ایتمكده بولنمش) بیوردی. بر دفعه
دخی كرمانشاه امیری یاغمور یاغمق ایچون دعا نیاز ایلدكده بر الما كوندردی و الما كرمانشاهه واردیغی كبی یاغمور باشلادی مشارالیه حضرتلری دائما مریدلرینه وقت كیمیادر صاقنوب ضایع ایتمیه+سكز دیو تنبیه ایدر ایدی. وفاتی (١٠٤٠ م و ٤٣٢ ه) تاریخنده+در. بهاء الدین آملی بشقه