توقاد — سیواس ولایتی داخلنده بر سنجاق مركزیدر و سیواس شهرینك غرب جنوبیسنده و سكسان بش كیلومترو بعدنده قرق اللی بیك نفوسی جامع بر شهر شهیردر. مقدما بورایه (بر بزا) یاخود (قومانا پونتیقا) دیرلر ایدی متعدد جامعلری و مدرسه و مكتبلری و كلیسالری و حماملری واردر و اوانیء نحاسیه و قالیجه نسج و اعمالی كرکی كبی ایلرولمشدر.
+بوراسی قیصریه و حوالیسی ممالكیله برابر دانشمندیه دن (قاضی برهان
الدین) ید اداره+سنده ایكن (١٣٩١ م و ٧٩٤ ه) تاریخنده قره عثمان بایندری مشارالیهی اوروب تلف ایتمسنی متعاقب (یلدیرم بایزید خان) حضرتلری بالذات كیدوب حاضرجه ضبط و ممالك دولت علیه+یه الحاق ایلدی. (١٨٢٨ م و ١٢٤٤ ه) تاریخنده ظهور ایدن بیوك زلزله+دن خیلی یرلری خراب اولمشدر.