لغات تاریخیه و جغرافیه

Lugat-ı Tarihiyye ve Coğrafiyye

توریچللی

توریچللی — علمای فن حكمتدن بر معروف ذاتدر اصلی ایتالیالی اولوب (١٦٤٧ م و ١٠٥٧ ه) تاریخنده اوتوز طقوز یاشنده وفات ایتمشدر. مومی الیه مشهور (غالیله)دن تحصیل علوم ایدرك خط متمائل الی التدویر و میزان الحراره و امثالی بعض كشفیاته موفق اولمش و غالیله وفات ایتدكدن صكره فیلورانسه+ده یرینه حكمت خواجه+سی تعیین ایدلمشدر. مؤلفاتی فیلورانسه+ده (اوپر روبیتریا) نامیله جمع و طبع اولندی. غالیله طلومبه+نك ایچنده+كی صویك سلندیرك یوقاری چكلمسیله حاصل بوشلغه صعودینی بولوب توریچللی صویك اوتوز درت قدمدن زیاده صعود ایده+مدیكنی كشف ایلدی.