تورلوپن — دردنجی عصر میلادیده بلچیقاده و فرانسه+نك جهت شمالیسنده ظهور ایتمش و (١٣٧٢ م و ٧٧٤ ه) تاریخنده طقوزنجی غراغوارك افروزی و بشنجی شارلك امریله لغو اولنمش اولان ادبسزلرك اسمیدر.
بونلر جناب حق ایله مخلوقاتك هیچ بر فرقی یوقدر و بو فرقسزلق مناسبتیله حاشا انسان الله دیمكدر و انسان كماله واصل اولدقده كناهدن معفودر ًدیرلر و انادن طوغمه عریان اولدقلری حالده علی ملاء الناس كزرلر و ابداً اوتانمق بیلمزلر ایدی.