ابو العباس السفاح — خلفای عباسیه+نك برنجیسیدر و اسمی
عبدالله بن محمد بن علی بن عبدالله بن (عباس رضی الله عنه)در
و ابتدای جلوسی (٧٤٩ م و ١٣٢ ه) و فاتی (٧٥٣ م و ١٣٦ ه)
تاریخنده+در. ابا مسلم خراسانی عراق اهالیسنی ابتدا بونك برادری
ابراهیم بیعت ایچون دعوت ایدوب ملوك امویه+نك صوك حكمداری
اولان مروان الحماری مرقوم ابراهیمی قتل ایتدكدن صكره دعوتی اشبو
)ابو العباس السفاح) اوزرینه چویردی و (زاب) محاربه+سنی
قزانوب شامی استیلا ایتدیكی كبی بونی حیره+دن انباره كتوردوب تخته
اقعاد و سلطنت عباسیه یی اعلان ایلدی. ابو العباس مدت سلطنتی
اولان درت سنه ظرفنده بر كوزل ایش كورمك شویله طورسون مغلوب
اولان رجال امویه یی ضیافت بهانه+سیله سراینه چاغیروب جمله+سنی بردن
سفره باشنده اعدام ایلدیكیچون الی یوم القیام بد نام اولمش و بو وقعه+دن
صكره كندوسیده چوق معمر اوله+میوب اوتوز ایكی یاشنده چیچك علتندن
كورله+مش كیتمشدر عباسیه و ابا مسلم و مروان كلمه+لرینه دخی نظر
بیوریله