توران — آسیاده بحر حززك شمال شرقیسنده ماوراء النهر و تركستان مستقل دنیلان قطعۀ جسیمه+نك نام دیكریدركه اشبو نامك سبیریایه قدر شمولی واردر بخارا خانلغنه مربوط اولان اراضی قطعۀ مزبوره+نك وسطنده+در بو نام فریدونك قطعۀ مزبوره+ده حكمدارلق ایدن (تور) نام قزندن قالدی دیرلر. توران حكمدارلری وقتیله سبیریایی دخی مقر سلطنت اتخاذ ایتمشلر ایدی.
هند چینیده یوقاری قوسنبسین نام ولایتك ساحل شرقیسنده ده توران نامنده بر شهر و بر لیمان واردر بو شهری صوك عصر میلادی نهایتنده فرانسزلر
آلوب كركی كبی تحكیم و اوراده متصرف اولدقلری ولایتی مركز اتخاذ ایتدیلر و نامنی (قوانغ نام)ه تحویل ایلدیلر.