ابو طالب بن عبدالمطلب — اعام نبویدندر و امام علی كرم الله
وجهه و رضی اه عنه حضرتلرینك پدریدر. حضرت پیغمبر افندمز
كوچك اولدیغی حالده جدلری عبدالمطلب وفات ایدركن مشار الیه
حضرتلرینك محافظه سنی اشبو بیوك اوغلی ابو طالبه سپارش ایتمش و انلر
دخی حقیقةً پك كوزل خدمت و صیانت ایلمشدر حتی علیه الصلاة
والسلام افندمز اظهار دعوت بیوروب خلق اوزرینه هجوم ایتدیكی زمان
ابو طالب یتیشوب تمام قوتیله منع ایلدی. بعثتک یكرمنجی سنه+سنده یعنی
هجرتك اوچ سنه مقدمنده ابو طالب وفات ایدركن علیه الصلاة والسلام
افندمز یاننده بولندی و مومی الیهك دوداغنی دپره+ته+رك اسلامی قبول
ایلدیكنی حضرت عباس سویلمسیله (الحمد لله الذی هداك یاعم) بیوردی
بو قوله مخالفت ایدنلرده واردر. ابو طالب سكسان سنه معمر اولدی دیرلر.