تنظیمات خیریه — ممالك محروسۀ شاهانه+نك حسن ادارە+سی ضمننده وضع و تأسیس اولنه+جق قوانین جدیدە+نك مواد اساسیه+سی اولان امنیت جان و مال و محفوظیت عرض و ناموس ماده لرینك و تعیین ویركو و ترتیب عسكر و سائره+نك اجراسی اراده و تعهداتنی مبین بر قانون اصلیدر. اشبو قانونك نشر و اجراسی حقنده (١٨٣٩ م و ١٢٥٥ ه) تاریخنده شرفصادر اولان خط همایون بالجمله مأمورین شرعیه و ملكیه و عسكریه و رؤسای روحانیه و معتبران اهالی و اصناف كتخدالری و سائره طوپقپو سرای همایوننده و خرقۀ سعادت دائرۀ جلیله+سی اوكنده واقع كلخانه میدانده حاضر اولدقلری و سلطان (عبدالمجید خان) حضرتلری اوراده+كی قصر همایونك پنجره+سندن ناظر بولندیغی حالده رشید پاشا معرفتیله كرسی اوزرنده قرائت اولندی و طوپلر آتیلوب اوراق مطبوعه+سی نشر ایدلدی فی ٢٦ شعبان و ٣ تشرین اول فرنكی