تنش یاخود (تكیش) — سلطان ملك شاه سلچوقینك
برادریدر و مخلصی تاج الدیندر مشارالیه مستولیاً شام امیر مستقلی اولوب (١٠٨٠ م و ٤٧٤ ه) تاریخنده اقرباسندن سلیمان بن قتلومشك الندن حلبی و روم دولتی یدندن طرسوسی حرباً ضبط و مؤخراً رها و دیاربكر و اخلاط و آذربایجان و همدانی دخی برر برر تسخیر و سلچوقیۀ شام شعبه+سنی تشكیل ایتدیسه ده بر مدت صكره برادری ملكشاهك اوغلی سلطان (برقیاروق)ك (ری) قربنده وقوعبولان مدافعه+سنه مقاومت ایده+مدی و عاقبت طوتیلوب اعدام اولندی.