تنار — فرانسه كیمیاكرلرندن بر معروف ذاتدر. بو ذات بر چفتجینك اوغلی اولدیغی حالده تحصیل ایتدیكی فنون سایه+سنده امور
سیاسیه+یه متعلق بیوجك مأموریتلرده بولنوب (١٨٢٥ م و ١٢٤١ ه) تاریخنده بارون عنواننه نائل اولدی.
بونك (اسید اسه+تیك) یعنی سركه روحی و (پروتوقسیددوفر) و (سولفور دارسنیك) و (پوتاسیوم) و (سودییوم) كبی بعض اجزای معدنیه+نك كشفیات و اصلاحاتنده پك چوق اقدام و غیرتی وقوعبولمش و كیمیایه دأر بالجمله تحقیقاتنی مبین قلمه الدیغی كتابلر طبع و نشر اولنمشدر. مومی الیه اشبو كشفیاتی اثناسنده صنایعه دخی كركی كبی خدمت ایتدی و بولندیغی مأموریتلرده خاطره كوكله باقمیه+رق اجرای وظیفه ایلدیكندن هركسك حسن نظر و توجهنی قزاندی. وفاتی (١٨٥٧ م و ١٢٧٤ ه) تاریخنده+در.