تلمسان — جزایره تابع (اوران) ولایتنده و اورانك غرب جنوبیسنده و یوز اون التی كیلو مترو بعدنده و ساحل بحردن قرق سكز كیلو مترو كیروده اون اوچبیك نفوسی جامع بر شهر شهیردر دروننده اسلحه فابریقه+لری و یاغ و دقیق دكرمانلری و جسیم استحكاملری و اطرافنده كوزل بغچه+لری واردر.
تلمسان وقتیله غایت مهم بر مملكت اولوب بر مدت بربریلرك و سكزنجی عصر میلادیده ملوك ادارسه+نك و مؤخراً موحدیلرك یدینه و (١٢٤٨ م و ٦٤٦ ه) تاریخنده بنی عبد الودا الرنات سلالۀ حكمرانیسنه انتقال ایتدی و بو سلاله بر اره+لق فاس حمایه+سنده بولندیسه ده ینه اعادۀ استقلال ایدرك برقاچ یوز سنه حكومت سوردی و (١٥١٥ م و ٩٢١ ه) تاریخنده مشهور خیرالدین بك ضبط ایدوب او مناسبتله دولت علیه تصرفنه کچدی و (١٨٣٤ م و ١٢٥٠ ه) تاریخنده فرانسزلر جزایرله برابر ضبط و امیر عبد القادرك ادارە+سنه ویروب سكز سنه صكره طوغریدن طوغری ادارۀ تحتنه المشلردر.