لغات تاریخیه و جغرافیه

Lugat-ı Tarihiyye ve Coğrafiyye

ابو سعید بهادر

ابو سعید بهادر — هندستانده واقع (ماسور) یاخود (مایسور) قطعه+سی حكمدارلرندندر (١٧٨٢ م و ١١٩٧ ٥) تاریخنده پدری حیدر علینك وفاتیله جلوس ایتدكده ذاتاً انكلیزلره خصومتی اولدیغندن محاربه+یه طوتیشوب اكرچه ایلك محاربه+یی و او سایه+ده شاه عالمك (نائب السلطان) عنواننی قزاندیسه ده برقاچ سنه صكره هند راچه+لرندن برینك اوزرینه اچدیغی محاربه+یی انكلیزلرك انلره ایتدیكی معاونت سببیله غیب ایتدیكندن و پای تختی تحت محاصره+یه الندیغندن فائده+سز عظمتلری براغوب مصالحه+یه رغبت كوستردی و انكلیزلره یتمش بش ملیون تضمینات و ممالكنك نصفنی اعطا ایله (١٧٩٢ م و ١٢٠٧ ٥) تاریخنده یقایی قورتاروب یدی سنه سلطنت سوردی و اندن صكره انكلیزلر بر هجوم دها ایدوب قصور ممالكنی دخی آلدی و بیچاره سلاح بدست اوله+رق وفات ایلدی.