لغات تاریخیه و جغرافیه

Lugat-ı Tarihiyye ve Coğrafiyye

تلماق

تلماق — جماهیر یونانیه+دن (ایتاکی) حكمداری (اولیس)ك اوغلیدر. پدری (٤٣١٤ خ) تاریخنده یعنی میلادك بیك ایكیوز سكسان سنه مقدمنده جماهیر سائره ایله متفقاً ترووا محاربه+سنه كتدیكی زمان اشبو تلماق بشكده ایدی اولیس محاربه+یی اون سنه+ده اكمال ایدرك عودتنده درلو درلو فلاكتلره اوغرادیغی جهتله ایتاكی+یه عودت ایده+مدیكندن مرقوم پدرینك غیبوبتنك یكرمنجی سنه+سنده پدرینی آرە+مغه چیقدی و اثنای سیاحتنده برچوق زحمتلره دوچار اوله+رق عودت ایدركن پدرینی بولوب بیلمدیكی حالده بعض تهلكه+لردن قورتاردی و برلكده ایتاکی+یه كلدكلرنده پدری هرنقدر اسكی حكومتنه نائل اولدیسه ده بعض غرضكارلر تلماق سنك قاتلك اوله+جقدر هاتف غیب بویله خبر ویردی دیو ذهننی افساد ایلدكلرینه و تلماق دخی ایشی اكلادیغنه بناء پدر و وطننی ترك و هجرته مجبور اولدی و پدرینك وفاتندن صكره كلوب تأهل ایدرك بر قاچ اولاد دنیایه كتوردی. روما شهر و حكومتنك مؤسسی اولان (روموس) بونك سلاله+سندن ظن اولنمقده+در. مرقوم تلماقك احوال و سیاحتی حقنده اولان مشهور رومان فرانسه+لی (فنه لو) نام ادیب معرفتیله یازلمش و مرحوم كامل پاشا و احمد وفیق پاشا حضرتلرینك همتلریله تركجه+یه ترجمه اولنمشدر مومی الیه فنه+لونك وفاتی (١٧٥١ م و ١١٦٦ ه) تاریخنده+در.