تلغراف — لسان یونانیده اوزاق معناسنه اولان (تله) ایله یازمق معناسنده قوللانیلان (غرافو) كلمه+لرندن مركب بر اسمدر. اسكی
زمانک تلغرافی بایراق و آتش و امثالی اشاراتله مخابره+دن عبارت اولوب ملل قدیمه+دن سریانیلر و مصریلر و چینلولر و میلاددن بشیوز سنه مقدم ایرانلولر و یونانلولر مخابرات اشارات مذكوره ایله اجرا ایدرلر و بر درجه+یه قدر اصلاح و اكمالیله اوغراشورلر ایدی
یونانلولرك (ترووا) شهرینی اثنای محاصره+لرنده آتش اشاراتیله مخابره ایتدكلری و ماكدونیا قرالی فلیبك بو نوع مخابراتی اجراده كسب ملكه و مهارت ایلدیكی و روما اردولری بیننده اوامر و تنبیهاتك اجراسی ضمننده (ژول سزار) طرفندن اشارات تلغرافیه استعمال اولندیغی روایات تاریخیه ایله مستباندر
قرون وسطاده اهل صلیب رؤساسندن (سن لویی) فلسطینده بولنان فرقه+لرله مخابره ایچون قرمزی اطلسدن خاچواری اوچورتمه+لر و هربر نغمه+سی بر معنایه دلالت ایدر بوریلر استعمال ایتدی عربلر دخی بیراق و آتش و فنارلر كشاد و اشعالیله مخابره ایلدی و اولكی قره طاغ محاربه+سنده طاغلیلر آتش تلغرافی استعمال ایدرك چارچابك طوپلانوب (حسن خود) عسكرینه غلبه چالدی.
١٦٧٦ م و ١٠٨٧ ه) تاریخنده فرانسه انجمن دانش اعضاسندن موسیو (آمونتون) قله+لر بناسی و اشارتلر كشیده+سیله امر مخابراتده دوربین استعمالنی اختراع ایلدیسه ده چوقلق مظهر قبول اوله+مدیغندن تاریخ مزبوردن یوز سنه صكره هانوره+لی (برغ شتراسر) نام اهل هنر ذكر اولنان اصول مخابره اساسی اوزرینه بر تلغراف اصولی ایجاد ایلدی. و انكلتره دولتی كمال ممنونیتله قبول ایدوب هنرور مومی الیهه بشبیك لیرا مكافات ویردی بو اصول (١٧٠٣) تاریخنده فرانسه+ده دخی قبول اولندیسه ده یالكز آچیق هوالرده و كوندزلری مخابره اولنه+بیلدیكندن نهایت (١٧٤٣)ده فرانسه+ده كیجه+لری دخی مخابره اولنه+بیلمك اوزره بر اصول تلغرافی ایجادینه مجبوریت كورندی و حتی محمد علی پاشا زماننده ( ابرو) نامنده هزارفن بر ارمنی معرفتیله قاهره ایله اسكندریه بیننده دخی اصول اخیرۀ مذكوره اوزره بر تلغراف خطی انشا قلندی. و اك صكره
تلغراف الكتریقی كشف اولنمغله اسكی اختراعاتك جمله+سی حكمسز قالدی. بونی دخی اك اول (١٧٧٤ م و ١١٨٨ ه) تاریخنده جنوه+لی (پساژ) نام هزور یكرمی عدد تل تمدیدی و یكرمی حرفدن عبارت لاتین الفباسی ترتیبی ایله و بر الكتریق ماكنه+سی واسطه+سیله تحریك ایدلمك اوزره ایجاد ایتمش و صكره+لری بر المانیالو و برده اسپانیالو هنرورلر اصلاحنه همت ایلمشلردر تلغراف الكتریقی ابتدا باویرا و بلچیقاده انشا و استعمال و بعده انكلتره و فرانسه+یه انتقال ایدوب شمدیكی حالده قطعات ارضك همان هر طرفنده استعمال اولنمقدە+در
ضیا بر ثانیه ظرفنده یتمش بیك ساعتلك مسافه قطع ایتدیكی حالده قوۀ الكتریقیه+نك بوندن سرعتلی بر مسافه قطع ایلدیكی فناً تجربه اولنمشدر الكتریق كلمه+سنه دخی نظر بیوریله