تلسقوپ — علم هیئت اربابنك رصداتده قوللاندقلری آیینه+لی بیوك دوربینلرك اسیمدر. وعادیلری یعنی هركسك قوللاندقلری كوچك دوربینلر اشیایی انكسار ضیا ایله كوستردیكی حالده اشبو تلسقوپلر انعكاس ضیا ایله كوسترمكده+در.
تلسقوپی اك اول (١٦٠٩ م ١٠١٨ ه) تاریخنده میددلبورغده بر كوزلكجی ایجاد ایلدی نوتونك (١٦٧١ م و ١٠٨٢ ه) سنه+سنده ایجاد ایلدیکی تلسقوپ بر بوری و نهایتنده عكس مقعر اوله+رق یرلشدیرلمش بر صندق ایله برده بر آینۀ مقعردن و نقطۀ احتراق اصلیسی اراسنه موضوع بر كوچك مستوی آینه+دن عبارتدر. مستوی آینه صندغك محوریله (٤٥) درجه زاویه احداث ایدر و اشیای منعكسه رنكسز و غایت بیوك اولە+رق مشاهده اولنور و اشیای مزبوره+یه اصل دوربینك یان طرفنه موضوع بوری داخلنده+كی خرده بین ایله باقیلور. هرشل نام اهل هیئتك قوللاندیغی تلمسقوپك بعد احتراقیسی ١٣ مترو و سطحی تربیعاً ٢,٥٠ مترو ایدیسه ده شمدیكی حالده پك جسیملری اعمال و استعمال اولنمقده+در