تلخیص لمفتاح — (١٣٣٨ م ٧٣٩ ه) تاریخنده وفات ایدن خطیب دمشق محمد جلال الدین بن عبدالرحمن قزوینی نام علامه+نك علم معانی بیان و بدیعی مشتمل استنادكاه علما اولان متن مشهور فضائل مأثوریدر باشلوجه شرحلری (١٣٤٤ م و ٧٤٥ ه) تاریخنده وفات ایدن محمد بن مظفر خطیبی الخلخالینك (مفتاح تلخیص المفتاح) و (١٣٨٩ م و ٧٩٢ ه) تاریخنده عازم سعادتخانۀ بقا اولان علامه سعد الدین مسعود بن عمر تفتازانینك (مطول) و (مختصر) ناملرنده+كی آثار مرغوبه+لریدر اشبو مطول اوزرینه دخی علامه سید شریف و فاضل محقق ابی القاسم بن ابی بكر اللیثی السمرقندی و میرزا جان حبیب الله شیرازی و مصلح الدین محمد لاری و علاء الدین بسطامی كبی برچوق ذوات مكمل و مدون حاشیه+لر یازمشلردر
تلخیص جامع الكبیر — (١٢٥٤ م و ٦٥٢ ه) تاریخنده وفات ایدن امام كمال الدین محمد بن عباد الخلاطینك فروعه دائر یازدیغی مجموعه+در
(١٣٣٠ م و ٧٣١ ه)
تاریخنده وفات ایدن امیر فارسی علاء الدین علی بن بلبانك (تحفة الحریص)ی و علامۀ هروینك (تنویر) و (تمحیص) نام كتابلری جملۀ شروحاتندن اولوب بونلردن بشقه (١٤٣٠ م و ٨٣٤ ه) تاریخنده وفات ایدن علامه شمس الدین محمد بن حمزة الفناری و امام ابی عصمة و مسعودی كبی افاضل علما دخی شرح ایتمشلردر
تلخیص الآثار فی عجایب الاقطار — عبدالرشید بن صالح باكوینك اقالیم سبعه اوزرینه مرتب اثریدر
تلخیص اقسام مذاهب الانام — (١١٥٣ م و ٥٤٨ ه) تاریخنده وفات ایدن ابو الفتح محمد بن عبد الكریم شهرستانینك علم كلامه دائر اثر مالا كلامیدر