لغات تاریخیه و جغرافیه

Lugat-ı Tarihiyye ve Coğrafiyye

تكفور طاغی / تقاوور طاغی

Tekfur Dağı

تكفور طاغی یاخود (تقاوور طاغی) — ادرنه ولایتی داخلنده و كلیبولینك شرق شمالیسندن طقسان یدی كیلو مترو بعدنده و مرمره دكزی ساحلنده بر كوزل شهردر و اپیجه تجارتكاهدر و اهالیسی یكرمی یكرمی بشبیك راده+سنده+در و نام صحیحی (ردوسجق)در حالا ملل سائره (رودستو) دیرلر. وقتیله بوراده پك چوق ارمنی ساكن اولدیغنه و جوارنده تقاوورلری بولندیغنه بناءً تقاوور طاغی دنیلوب صكره تكفور طاغی زبانزد اولمشدر بوراسنی (١٨٢٩ م و ١٢٤٥ ه) (١٨٧٨ م و ١٢٩٥ ه) تاریخلرنده روسیه استیلا ایدوب ینه ترك ایلدی.