تكساس — امریقای شمالی حكومات مجتمعه+سندن بریدر. مكسیقا كورفزینك طولاً ماطالنده واقع اولوب شمالاً كندوسنی هند و (تریتواری) ایله ارقانساسدن تفریق ایدن (ردریور) شرقاً (لویزیان) غرباً و جنوباً مكسیقا و مكسیقا كورفزی ایله تحدید اولنور ایكیوز بیكی اسیر اولمق اوزره التی یوز درت بیك نفوسی حاوی و مركز اداره+سی )اوستن) شهریدر. جهت غربیه+سنی تشكیل ایدن (سان ساباسیرا) مستثنا اوله+رق اشبو ناحیه محصولدار بر واسع صحرادن عبارت اولوب )ریودل نورته) نهری و سائر انهار واسطه+لریله اسقا اولنور و سواحلنده كمی یتاقلری بولنور هواسی لطیف و صاغلام اولوب كوزل چایر و مرعالری
و چام و سروی و میشه اغاجلری ایله مالا مال متعدد اورمانلری واردر شكر قامشی پموق توتون مصر محصولاتی غایت بركتلی و بولدر بونلردن بشقه اراضیسی متعدد شمندوفر خطلریله چیزلمشدر.
تكساس مقدما (مكسیقا) اداره+سی التنده بولندیغی حالده (١٨٢٩ م و ١٢٤٥ ه) تاریخنده رفع لوای قیام ایدرك التی سنه صكره (سان فلیب) شهرنده بر حكومت موقته تشكیل و مؤخراً سان ژاسنتو كنارلری قربنده و (١٧١٤ م و ١١٢٦ ه) تاریخنده مكسیقالیلره چالدقلری دیكر بیوك غلبه اوزرینه استقلاللرینی بتون بتون تأمین ایلمشلردر اشبو جمهوریت جدیده تاریخ مذكوردن بر سنه صكره حكومات مجتمعه و مؤخراً فرانسه طرفندن تصدیق ایدلدی. حكومت بر سناتو و بر مبعوثان قماره+سیله اداره اولنه+رق قوۀ اجرائیه اوچ سنه ایچون منتخب رئیسه راجعدر.