لغات تاریخیه و جغرافیه

Lugat-ı Tarihiyye ve Coğrafiyye

تقطیع

Takti'

تقطیع — علم عروض اصطلاحاتندن اولوب هر بیتك اجزاسنی بولندیغی اوزانه نسبتله تفریقه دینور فائده+سی ابیات و اشعارك قنغی بحرلره منسوب اولدیغنی اشعاردن عبارتدر مثلا (وطن مألوف اولانلر بی سبب ترك دیار ایتمز / ضرورتسز جهانده كیمسه غربت اختیار ایتمز) بیتی (وطن مألو) مفاعیلن (ف اولانلر بی) مفاعیلن (سبب ترك) مفاعیلن (دیار ایتمز) مفاعیلن / (ضرورتسز) مفاعیلن (جهانده كیم) مفاعیلن (سه غربت اخ) مفاعیلن (تیار ایتمز) مفاعیلن) / دنیله+رك تقطیع اولندیغی صورتده بحر هزجدن اولدیغی اكلاشیلور. بعض ترك شعراسنك بو باده بر طرز مخصوص دیكری دها اولدیغی ایشیدلمشدر اوده مثلا (طفل نازنیم اونوتمام سنی / آیلر كونلر دكل کچرسه ییللر) بیتنك موزونیتی بیلنمك اوزره (طف . ل نا. ز. نی. نم او. نوت . مام .س . نی / آی. لر. كون. لر. د. كل. ك. چر. سه . ییل. لر) صورتیله بالتقطیع مصراعلرك اون برر عدد ضرباته تقسیم قلنمسیدر.