تقالی ارنی — اوستریا زادكان و اصحاب املاكندن بر پرنسدر. اوستریا دولتی بونك بعض املاكنی ضبط و اعتبار ینی كسر ایتدیكنه بناء اوچ سنه محاربه و دولت عسكرینه مقاومت ایدوب صكره یعنی (١٦٧١ م و ١٠٩٢ ه) تاریخنده دولت علیه+نك حمایه و معاونتنی رجا ایلدی و دولت علیه دخی مجارستان وسطی ویودە+سی عنوانیله بالقبول صدر اعظم فره مصطفی پاشایی ایكی یوز یكرمی بیك عسكر ایله امدادینه كوندردی و مومی الیه بو سایه+ده اوستریا دولتنه غلبه ایدوب ایكنجی سنه ویانه+نك ایكنجی محاصرە+سنده برابر بولندی لكن اوستر یا دولتنك نشر ایتدیکی عفو عمومی مومی الیهی طرفدارلرندن آیردیغی كبی بر ارە+لق دولت علیه+نك نظرندن دخی دوشدیسه ده (١٦٩٠ م و ١١٠٢ ه) تاریخنده سلطان )سلیمان) خان ثانی حضرتلری طرفندن ینه )ترانسیلوانیا) ویوده+سی و مؤخراً مجارستان قرالی تعیین ایدیله+رك خیلی ایشلر كوردیرلدی و طقوز سنه صكره تنظیم اولنان قارلویج مصالحه سی ایجابنجه درسعادته كلوب سلطان مصطفی خان ثانی حضرتلرینك امریله ازمیدده تخصیص اولنان چفتلكه ارسال و اوراده اخر عمرینه فدر اعزاز و اكرام اولندی. ویانه+نك برنجی محاصره+سی (١٥٢٩ م و ٩٣٦ ه) تاریخنده+در.