تفسیر ابن العربی — شیخ محي الدین عربی حضرتلرینك مشار الیه بو تفسیرینی مسلك متصوفین و دیكر بر تفسیرینی دخی اسلوب مفسرین اوزره تحریر بیورمشدر
تفسیر ابن كثیر — اون جلد (١٣٧٢ م و ٧٧٤ ه) تاریخنده وفات ایدن حافظ اسماعیل بن عمرالدمشقینك بونده احادیث نبویه و آثار مسندۀ سائره دخی محرردر
تفسیر ابن كمال — (١٥٣٣ م و ٩٤٠ ه) تاریخنده وفات ایدن فاضل علامه كمال پاشا زاده شمس الدین احمد بن سلیمانك (والصافات) سوره+سنه قدر تحریره موفق اولمشدر
تفسیر ابن منیر — اون جلد (١٣٣٢ م و ٧٣٣ ه) تاریخنده وفات ایدن شرف الدین عبدالواحدك
تفسیر ابن نقاش — (١٣٦١ م و ٧٦٣ ه) تاریخنده وفات ایدن شمس الدین محمد بن علینك مشار الیه بو كتابی یازار ایكن كتب سائره+دن حرف واحد اخذینه روی احتیاج كوسترمامشدر
تفسیر ابو اللیث — (٩٩٣ م و ٣٨٣ ه) تاریخنده وفات ایدن نصر بن محمد السمرقندینك بو كتاب (١٤٥٠ م و ٨٥٤ ه) تاریخنده ابن عر بشاه معرفتیله ترکجه+یه دخی ترجمه اولنمشدر
تفسیر اصفهانی — (١١٤٠ م و ٥٣٥ ه) تاریخنده وفات ایدن امام ابو القاسم اسماعیل بن محمد فضل یتمینك اوتوز جلدی جامع اولان (تفسیر جامع) و اون جلدی حاوی اولان (معتمد) و درت جلدی جامع اولان (ایضاح) و اوچ جلدی جامع اولان (موضح) نام تفسیرلر دخی مشار الیهكدر
تفسیر بیهقی — (١١٤٩ م و ٥٤٤ ه) تاریخنده وفات ایدن ابو المحاسن
مسعود بن علی بیهقی+نك مشار الیه (فخر الزمان) لقبیله معروف ایدی
تفسیر تبیان — ترکجه — (١٣٧١ م و ٧٧٣ ه) تاریخنده وفات ایدن حضر بن عبدالرحمن ازدینك
تفسیر جامی — فاضل مشهور نور الدین عبدالرحمن بن احمد جامی حضرتلرینك
تفسیر جلالین — علامه جلال الدین محمد بن احمد محلی بونی غایت مختصر و مفید اوله+رق سورۀ (اسرأ)یه قدر یازوب وفات ایلدیكندن جلال الدین عبدالرحمن بن ابو بكر سیوطی حضرتلری اكمالنه همت بیورمشدر
تفسیر جمالی — (١٥٢٦ م و ٩٣٣ ه) تاریخنده وفات ایدن شیخ جمال الدین اسحق قرمانی حضرتلرینك مشار الیه بو كتابده قرأن كریمی سورۀ (مجادلة+دن) نهایتنه قدر اون وجه اوزره تفسیر بیورمشدر
تفسیر راغب — (١١٠٦ م و ٥٠٠ ه) تاریخنده وفات ایدن فاضل علامه ابو القاسم حسین بن فضلك مشار الیه راغب اصفهانی دیمكله مشهور و كتابی مفسرین كرامه مأخذ ایدی
تفسیر رشیدی — (١٣١٨ م و ٧١٨ ه) تاریخنده وفات ایدن جامع صاحبی خواجه رشید الدین فضل الله بن ابی الخیر الهمدانی حضرتلرینک مشار الیه سلطان ابو سعیدك وزراسندن ایدی
ضباء القلوب — شیرتی (تفسیر رازی) (١٠٥٥ م و ٤٤٧ ه) تاریخنده وفات ایدن ابوالفتح سلیم بن ایوب رازینك
تفسیر علی القاری — (١٦٠١ م و ١٠١٠ ه) تار یخنده وفات ایدن نورالدین علی بن محمد القارئ الهروینك تفسیر قزوینی — اوچیوز جلد (ابو یوسف) قزوینی حضرتلرینك
تفسیر قلاقل — (١٥٠١ م و ٩٠٧ ه) تاریخنده وفات ایدن علامه محمد جلال الدین بن اسعد صدیق دوانی+نك مشار الیه بو كتابده (قل) ایله ابتدا ایدن سورۀ كافرون و اخلاص و معوذتین ی تفسیر ایتمشدر
تفسیر كبیر — امام فخر الدین محمد بن عمر الرازی حضرتلرینك
مشار الیه اشبو تفسیر شریفی تكمیل ایده+مدیكندن (١٣٧٥ م و ٧٧٧ ه) تاریخنده وفات ایدن شیخ نجم الدین احمد بن محمد قمولی حضرتلری بر تكمله تصنیفنه همت بیورمشدر
تفسیر محمدیه— فارسی . (١٤٧٠ م و ٨٧٥ ه) تاریخنده وفات ایدن مصنفك شیخ علاء الدین علی بن محمد شاهرود بسطامینك مشار الیه بونی سلطان محمد ثانی حضرتلرینك امریله ادرنه+ده یازمشدر
مفاتیح العلوم — ایكی جلد امام فخر الدین محمد بن عمرالرازی حضرتلرینك
مواهب العلیه— فارسی . حسین واعظ حضرتلرینك تفسیر مختصری بونی (١٥٧٤ م و ٩٨٢ ه) تاریخنده وفات ایدن ابی فضل بن ادریس بدلیسی تركجه+یه ترجمه ایتمشدر و كندوسنك دخی (جواهر التفسیر) نامنده دیكر بر اثری واردر تفسیر منشی — (١٥٩١ م و ١٠٠٠ ه) تاریخنده مدینۀ منوره+ده وفات ایدن محمد بن بدر الدین صاروخانی+نك بونده قرائت حفصی دخی بیان ایدر
تفسیر نجم الدین — اون ایكی جلد (١٢٨٢ م و ٦٨١ ه) تاریخنده شهیداً وفات ایدن احمد بن عمر خیوقینك (١٢٤٨ م و ٦٤٦ ه) تاریختده وفات ایدن بشیر بن ابی بكر بن حامد تبریزینك دخی بو نامده اوچ جلد بر تفسیری واردر
تفسیر هندی — (١٥٩١ م و ١٠٠٠ ه) تاریخنده وفات ایدن شیخ فیض اللهك بو تفسیر حروف مهمله ایله محرردر
در المشور — اوچ جلد (١٥٠٥ م و ٩١١ ه) تاریخنده وفات ایدن جلال الدین عبد الرحمن بن ابی بكر السیوطینك
كشاف — (١١٤٣ م و ٥٣٨ ه) تاریخنده وفات ایدن علامه ابی قاسم جارالله محمود بن عمر زمخشرینكدر ابن خلكانده زمخشری معتزلی الاعتقاد ایدی حتی بو كتابی حین تألیفده خطبه+سنی (الحمد
لله الذی خلق القرأن) یازدیغی حالده ناسدن كوردیكی طعن و تشنیعه بناءً (الحمدلله الذی جعل القرأن) عباره+سنه تحویل ایلدی حالبوكه (جعل) لفظی دخی عندلرنده ینه خلق معناسنه مستعمل ایدی دیو محرردر هرنه ایسه علامۀ مومی الیهك شو اثری حقیقةً شایان تقدیر بر اثر اولوب حقنده دخی قطعۀ آتیۀ عرییه وارد اولمشدر
قطعه
ان التفاسیر فی الدنیا بلا عدد
ولیس فیها لعمری مثل كشافی ان كنت تبغی الهدی فالزم قرائته
فالجهل كالداء والكشاف كالشافی
معالم التنزیل — (١١٢٢ م و ٥١٦ ه) تاریخنده وفات ایدن محی السنه ابی محمد حسین بن مسعود غراد بغوینك
كشف الاسرار— فارسی . (١٣٦٥ م و ٧٦٧ ه) تاریخنده وفات ایدن شیخ علامه مسعود بن عمر تفتازانینك