تفسیر — علی طاقة البشریه و بر مقتضای قواعد عربیه معنای نظم جلیل قرأندن باحث بر علمدر مبادیسی علوم عربیه و اصول كلام و اصول فقه و جدل و سائرە+دن عبارت اولوب بوندن غرض معانئ نظم كریمی معرفت و فائده احكام شرعیه+یی علی وجه الصحه استنباطه حصول قدرتدر.
صحابۀ كزین رضوالله تعالی علیهم اجمعین حضراتندن علم تفسیرده شهرت آلانلر اولا خلفاء راشدیندر و انلردن صكره ابن مسعود و ابن عباس و ابی بن كعب الا كبر و زید بن ثابت و ابو موسی الاشعری و زبیر بن عوام و انس بن مالك و عبد الله بن عمر و جابر بن عد الله و عبدالله بن عباس و عبدالله بن زبیر و (تابعیندن) سعید بن جبیر و حسن بصری و عطاء بن ابیی ریاح و عطاء بن ابی میسره و ضحاك بن مزاحم حضراتیدر. متقدمین و متأخریندن علم تفسیرده شهرت شایعه قزانمش و اولبابده نیجه آثار مفیده و كتب شریفه تألیف ایلمش دها پك چوق ذوات وار ایسه ده جمله+سنك تحریری بوراجه قابل اولمدیغندن اك مشهورلرندن بعضیلرینك درجیله اكتفا اولندی.