تفأل — اغور و یمن طوتمق و بر ایشك خیر و شرینی استعلام ایتمك دیمكدر. فالك درلو درلوسی اولور ازجمله نیتله مصحف شریفی آچوب صاغ طرف صحیفه+سنك یدنجی سطرینی و بوندن یوقاری یدی ورق آچوب آنكدخی صول طرف یدنجی سطرینی و ابتداكی صحیفه+دن یدی ورق اشاغی+كی صحیفه+نك دخی یدنجی سطرینی ضبط و قرائت ایتملی و معانیء منیفه+سیله عامل اولملی بسمله كلورسه سعادتدر.
كذلك بربرندن قیصه+جه اوچ سطر نقطه دوكملی و دوكركن هر بر سطر ایچون برر اخلاص شریف اوقوملی و سكزر سكزر طرح ایتملی اكر بر قالورسه
١ قریباً مطلوب حاصل اولور و مسرت قلب ظهوره كلور
٢ رجوع و صبر ایجاب ایدر
٣ مشقتسز حصول مرام میسر دكلدر و حفظ لسان لازمدر
٤ زور ایله اولمز لكن صبر و طبیعته تركله اولور
٥ قریبأ حصول مطلب میسر اولور و خیر و سعادت ظهوره كلور
٦ خیر و سعادتله حصول مطلب میسر اولور
٧ مقصد یقیناً و فعلاً حاصل اولور
٨ شروعی خیر و حصولی میسر اولور
كذلك مصحف شریفی نیتله آچوب صاغ طرف صحیفه+سنك یدنجی سطرینك ابتداكی حرفنه نظر اولنملی (د ز س ص ع غ ك ل ن ه لا ی) اكر اشبو حرفلردن بری تصادف ایدر ایسه نیت ایدیلان شیدن رجوع و استغفار و تصدق ایتملی واكر دیكر حرفلردن بری تصادف ایدرسه خیر و منفعت اولدیغندن اول ایشه همان تشبث ایدلملیی كذلك قاضی القضاه جمال الدین محمد بن عبدالله ناشرینك بر كذاری اولان اشبو
كافی) وفقنك اوزرینه مغمض العینین اولدیغك حالده بلا قصد پارماغکی
باصمق ایله دخی تفأل اولور اكر پرمق چفت رقم اوزینه تصادف ایدرسه سعد ایتمزسه نحس عد اولنور.