لغات تاریخیه و جغرافیه

Lugat-ı Tarihiyye ve Coğrafiyye

تغلتفا لاصر

— تغلتفا لاصر — ایكنجی (آثور) دولتنی احیا ایدن (بعل زارفول)ك اوغلی و خلفیدر. پدری بابلی مقر سلطنت اتخاذ ایدوب بونی طرفندن قائممقام كبی بالاستقلال حكومت ایتمك اوزره (نینوه)یه كوندرمشیدی (٤٨٢٥ خ) تاریخنده یعنی میلادك یدییوز التمش طقوز سنه مقدمنده ممالك یهودیه ملكی (آخاز) رقیبی اولان سوریه+لیلرك تضییقی اوزرینه مومی الیهدن استمداد ایتدیکی جهتله عسكر كوندروب سوریه+یی حرباً تحت حمایه+سنه آلدقدنصكره اردن نهرینك جهت شرقیسنده اولان فلسطین اراضیسنی و ممالك یهودیه+یی ده براقمق استه+مدی و مرقوم آخازی عبادتخانه+سنه پت آصمق ایچون صیقشدیردی. مؤخراً تحت ارضدن چیقاریلان طاشلرده محرر یازولردن استخراج اولدیغنه كوره اشبو تغلتفالاصرك (٤٤٦٤ خ) تاریخنده یعنی میلادك بیك یوز اوتوز سنه مقدمنده سلطنت سوردیكی اكلاشیله+یور ایسه ده بو نامده دها برچوق حكمدارلر اولمسیده مستبعد دكلدر.