ابو سعیدالحراز — اعاظم مشایخ صوفیه+دندر ومسقط رأسی
بغداد. اسمی احمد بن عیسی+در. ارباب طریقت كمال شرف و اتقاسنه
بناء (قمرالصوفیه) دیرلر و جناب حقدن و حضرت پیغمبردن صكره
سید العارفین بودر دیو قدرینی اعلا ایلرلر ایدی. طریقت صوفیه+ده
بقا و فنادن بحث ایدنلرك امامیدر و حضرت جنیددن بیوكدر.
بر كمسه جهد ایله حقه ایریشمكه چالیشور ایسه بیهوده زحمت چكمش
اولور و بر كمسه جهدسز حقه ایریشورم دیر ایسه قوری دعوا ایلمش
اولور بیورر و حق طلبله بولنمز اما انی ینه طالب بولور معناسنی مراد
ایدر ایدی. وفاتی (٨٩٩ م و ٢٨٦ ه) تاریخنده+در