تعبیر رؤیا — تخیلات نفسانیه و امور غیبیه مابیننده اولان مناسباتدن باحث بر علمدركه بونكله تخیلات نفسانیه+دن امور غیبیه+یه انتقال و او وسیله ایله احوال نفسانیه+یه یاخود آفاقده جاری اولان احواله استدلال قلنور. بو علمك منفعتی امور آتیه+یی تبشیر ویاخود انذار و تحذیردر. رویا نفس ناطقه+دن متكون بر كیفیت اولوب بعض طائفه بونك اصلی اولمدیغنی ادعا ایدرلر ایسه ده دعوالری باطلدر زیرا اكر رؤیانك اصلی اولمامش اولسه بو قوایی انسانده ایجاد بیهوده اولمق لازم كلور حضرت حكیم علی الا طلاق ایسه بالاتفاق خلق باطلدن منزه و مبرادر.
رؤیا ایكی نوع+در بر نوعی اضغاث و احلام و احادیث نفس و خواطر ردیه مشاهده اولنان منامدركه بو نوع رؤیا چوق كره واقع اولور نوع دیكری دخی ایكی+یه منقسم اولوب بر قسمی محتاج تأویل و اوبری دكلدر. بعض حكما (معبره واجب اولان اشراف ناسك رؤیاسنی تعبیره اشتغال وارازل و اسافلك رؤیاسنی تعبیردن اجتناب ایتمك)در دیدیلر. زیرا اشرافك رؤیاسی نبوتدن بر جزؤدر نته كم فخر عالم صلی الله علیه وسلم حضرتلری (الرؤیا الصادقة جزؤ من ستة و اربعین جزءً من النبوة) بیورمشلردر.
كتب آتیه بالخاصه علم تعبیر رؤیا حقنده یازیلان آثار معتبرە+دندر. (الآ ثار» الرایعه فی اسرار الواقعة) (ارجوزة التعبیر) (اصول دانیال) (ارشاد جابر االمغربی) (تعبیر ابن اشعث) (تعبیر ارسطو) (تعبیر افلاطون) (تعبیر اقلیدس) (تعبیر حاحظ) (تعبیر جالینوس) (تعیر المنیف و التأویل الشریف)