تصحیف — انواع بدیعدندر لكن بعضیلری اولبابده كمال اهتمام و توغل تام ایله برچوق تصنیفات وجوده كتوردكلرندن فروع بدیعدن عد اولندی موضوعی بلغادن واردو صادر اولان كلمات مصحفه+در. بو فن موضوعی اعتباریله محاضرات فروعندن دخی صاییله بیلور فن مزبورده مشاهیر مؤلفیندن حسن بن عبدالله بن سعید العسكرینك دخی بر تألیف واردر.
شیخ عبدالرحمن بسطامی قولنجه تصحیف+ده اك اول دهنكشای تكلم اولان حضرت امام علی بن ابی طالبدر (رضی الله عنه) حتی بر دفعه (خراب البصرة بالریح) بیورمشلركه راء و حاء مهملتین و یاء ایله ظاهر معناسی بصره+نك خرابی ریح ایله+در دیمك اولور حالبوكه مراد بطریق التصحیف زنج ایله دیمك اولدیغی مؤخراً یعنی (٨١٥ م و ٢٠٠ ه) تاریخنده زنجیلرك بصرە+یی خراب ایتمسیله تعین ایلدی امام مشار الیه حضرتلرینك بو بابده دها پك چوق صنایع بدیعه و كلمات عجیبه+لری مسموعدر عربك امثلۀ تصحیفدن اولان شو (فی المستنصریه جنة) قولی دخی ظاهراً مستنصریه+ده باغ و جنان واردر دیمك اولدیغی حالده لدی التصحیف مراد )المسئ یضربه حیة) یعنی اساءت ایدنی ییلان اورسون دیمك اولدیغی اكلشیلور.