تژه یاخود (ته+سه) — آتنە+نك اك اسكی قهرمانلرندندر. بو آدم بر حكمدارك نكاحسز زوجه+سندن تولد ایدوب غیر معلوم بر محلده تربیه اولمش و صكره كندوسنی باباسنه طانتدیروب كرك باباسنی و كرك ملتنی پك چوق تهلكه+لردن قورتارمش و ماراتون صحرالرینی تخریب ایدن بوغایی حیاً طوتوب و اوسایە+ده آتنە+نك حكمدارلغنی قزانوب (آتیكی) جماهیر متجاوره+سنی توحید و بر حكومت عوام تشكیل ایتدكدن صكره
٤٢٧٨ خ) تاریخنده یعنی میلادك بیك اوچیوز اون التی یاخود بیك اوچیوز یكرمی اوچ سنه مقدمنده كرید اوزرینه هجوم ایدرك حكمدارینی قندیه جوارنده+كی (لابرانت)ده اختفایه مجبور ایتمش و (آریان) طرفندن ویریلان بر تل ایله لابرانته دخول و حكمدار مرقومی قتل ایدرك مزبور تل ایله ینه یولنی بولوب چیقمش و بو غلبۀ فوق العاده ایله مملكتنی كریدلیلرك خراجكذارلغندن قورتارمش بر آفاجان ایمش. كریدلیلرك اتنه+لولردن الدیغی خراجك طقوز سنه+ده بركره یدی نفر كنج قز و یدی نفر كنج اوغلان ایدوكی و بونلر كریده كلدكده آلای ایله ذبح اولندیغی دخی جملۀ حكایاتدندر. اتنه+لولر بوكا حاشا نصف آله عنوانی ویره+رك نامنه بر معبد بنا ایتمشلر و درلو درلو حكایات اسناد ایلمشلر ایدی.