تریینته — (اوره+نوق) نهری اغزینك قارشوسنده و انكلیزلرك كوچك انتیلرندن اك زیاده جنوبده واقع بر اطە+دركه طولاً و عرضاً ٦٢ كیلو مترو اراضی و التمش بیك بو قدر اهالی+یی جامع اولوب مقر اداره+سی (سپانیشتاون) شهریدر. اشبو اطه+یی هواسنك لطافت فوق العاده+سنه مبنی انتیللرك جنتی نامیله یاد ایدرلر قامش شكری هندبا قهوه پموق قره ساقز كبی محصولات متنوعه+دن بشقه دروننده متعدد نفط یاغی منبعلری بولنور تجارتی واسعدر.
اشبو اطه (١٥٣٢ م و ٩٣٩ ه) تاریخنده قریستوف قولومبو طرفندن كشف ایدلدی. كشفی سنه+سنده اسپانیوللر و ١٥٩٥+ده انكلیزلر ١٦٧٦+ده فرانسزلر طرفلرندن متعاقباً اشغال اولندیسه ده مؤخراً فرانسزلر اشبو اطه+یی ترك ایلدكلرندن (١٧٩٧ م و ١٢١٢ ه) تاریخنده انكلیزلر طرفندن ضبطله اعمارینه باشلانلدی.
تریینته — ترینته نام كمی یتاغی دروننده و (پورروایال)ك ٤٠ كیلو مترو طرف شمالیسنده التی بیك نفوسی حاوی بر شهردركه غایت مشهور تجارتی و شكرجیلكده دخی بر او قدر شهرتی واردر.