لغات تاریخیه و جغرافیه

Lugat-ı Tarihiyye ve Coğrafiyye

تریبون

تریبون — روماده اعیان مملكت ایله عوام طاقمی بیننده ظهور ایدن مباینت افكار كیدرك اختلال استعدادینی كوستردیكندن و عوام طاقمی تشكیل ایتدكلری جمعیتلر واسطه+سیله اعیان طاقمنی تهدیده باشلادیغندن (٥١٠٦ خ) تاریخنده یعنی میلادك درتیوز سكسان سكز سنه مقدمنده روما سناتوسی فقرا و عوام طاقمنی اغنیانك باركرانی التندن قورتارمق ایچون تشكیل ایتدیكی هیئت عسكریه+نك قومانداننه (تریبون) نامنی ویردی. اشبو قوماندانلر حكمداران نفوذندن دها مؤثر بر نفوذ ایله اجرای مأموریت ایدرلر و التی آیدن التی آیه تبدیل اولنورلر ایدی.