لغات تاریخیه و جغرافیه

Lugat-ı Tarihiyye ve Coğrafiyye

ترومبا

ترومبا — قاصرغه دخی دنیلور قره+ده و دكزده وقوع بولور قورقونج بر حادثه+در بخار و هوادن عبارت اولە+رق بعض صولرده مشهود اولان كرداب مثللو كندی محوری اوزرنده دوران ایدر قره+ده ظهور ایتدیكی وقت یرده بولنان توز و طپراغی و شدیدجه اولدیغی وقت احجار و نباتاتی و پك شدید اولە+رق ظهور ایتدیكنده دخی انسان و حیواناتی هوایه قالدیروب آتار و جسیم اغاجلری كوكندن سوكر و دكزده ظهوری تقدیرنده دخی صولری مخروط شكلنده قالدیروب بلوطلر دخی مخروط معكوسی شكلنده اشاغی صارقغله باش باشه برلشوب دیرك كبی دهشتلی بر شئ وجوده كلور و بعضاً بر قاچ دیرك و اوزرلرنده بلوطدن كمرلر مشاهده اولنور كه بو صورتله دكزده حصوله كلان ترومبا دخی قایق و كمیلری شكست و غرق ایدر قاصرغه+نك دروننده اکثریا آتش مثللو ضیالر مشاهده اولندیغی كبی طاشلق بر محلده یواش یواش حركت ایدن بر عربه كورلدیسی كبی سسلر دخی ایشیدیلور. دائما فورتنه+لی هوالرده ورعد و برق اثناسنده وقوعبولدیغندن اوتوری اشبو حادثه+ده دخی مادۀ الكتریقیه+نك مدخلی اولدیغی بین الحكما ظن اولنمقدە+در.