ابو السعود — كبار مشایخ صوفیه+دندر. بو ذات فتوحات
مكیه+ده محرر اولدیغی اوزره امام الوقت ایدی بر كون دجله كنارندن
كچرایكن خاطرینه عجبا بو صویك ایچنده دخی جناب حقه عبادت ایدر
قول وارمیدر دیو كلدیكی آنده صو ایكی شق اولوب ایچندن بر آدم چیقدی
و بن فی الاصل (تكریت)دنیم و بو صویك ایچنده عبادت ایتمكده+یم دیدی.
فصوصده ابو السعودك مریدلرینه بش ییلدنبرو جناب حق بكا ملكنده تصرفه اجازت ویردی بن قبول ایتمدم انی كندوسنه براقدم دیدیكی
محرردر. مشایخ كرامدن بر ذات مشار الیهك قبری جوارندن كچركن كوكلنه نره+یه كیده+یورسك كل بنی زیارت ایله دیو بر اشارت كلور و او ذات دخی كیدوب زیارتیله منبسط و خوش حال اولدقدنصكره ابو السعودك قبری اولدیغنی اوكرنور و تعجب ایلر. ابوالسعودك عجیب بر طریقه+سی وار ایدی جناب حقدن هرنه كه ظهور ایدر ایسه انی رد اتمز و هیچ بر كمسه+دن نسنه استه+مز و غایت مكلف لباس كیر و ملوكانه طعام ایدر ایدی حتی بر كون بر درویش مشار الیهك باشنده برقاچ بیك غروشلق بر شال كوروب تعجب ایلدكده شیخ درویشك خاطره+سنه واقف اوله+رق بز بونی كندولكمزدن صارمادق استر ایسك آل صات اقجه+سنی درویشلره صرف ایت دیدی و درویش دخی ممنوناً شالی آلوب پازارده صاتدقدن بر ساعت صكره كلوب شالی ینه شیخك باشنده كوردی و بتون بتون مراقه دوشه+رك پازاره عزیمتله شالك نه اولدیغنی صاتدیغی آدمدن سؤال ایتدكده سن كتدكدنصكره بر تجار كلدی و بر مقدار تجارت اعطاسیله شالی آلدی كوتوردی دیدی و درویش بالاطراف تحقیقاته كیریشوب تجار مرقومك بو شالی بر فورتنه+دن ساحل سلامته واصل اولان سفینه سیچون نذر اوله+رق شیخ مشار الیه ویردیكنی و صكره پازارده كوروب ضرورته مبنی صاتلدی ظنیله مبایعه و ینه شیخ مشار الیهه تقدیم ایلدیكنی اوكرندی و خاطره+سندن رجوع ایدرك تائب و مستغفر اولدی