لغات تاریخیه و جغرافیه

Lugat-ı Tarihiyye ve Coğrafiyye

ترووا

Truva

ترووا — قلعۀ سلطانیه ایله (ایدا) طاغی و آق دكز ساحلی آره+سنده و ادرمید شهرینك قرق كیلو مترو بعدنده ینه بو نامله مشهور بر حكومتك مركزیدر و بو حكومتك تحت اداره+سنده اولان ولایتك استحكامات داخلیسی (پرغام) نامیله مشهوردر و حكمدارلرندن مؤسس نامنی آلان ذاتك اسمی (داردانوس) اولدیغندن اوروپالیلر قلعۀ سلطانیه بوغازینه الیوم (داردانل) بوغازی دمكده+درلر. )ترووا) شهر و حكومتی پك ایركن مدنیته داخل اولوب تزیینات و تنظیماتی حكمداران متجاورە+نك حسدینی جلب ایدە+جك درجه+لره واردیغندن حكمداران مومی الیهم دائما دیش بیله+مكده ایكن (٤٣١٤ خ) تاریخنده یعنی میلادك بیك ایكیوز سكسان سنه یاخود (١٢٠٩) ویاخود (١١٨٤) سنه مقدمنده ترووا حكمداری (پربیام)ك اوغلی (پاریس)ك جماهیر یونانیه+دن اسپارت حكمداری (منه+لاس)ك زوجه+سنی قاچرمسی بر بیوك وسیله اولدیغندن مرقوم منه+لاسك شكایت و دعوتی اوزرینه جماهیر مرقومه درحال اتفاق و مسینا قرالی (اغاممنون)ی عساكر متفقه+یه سردار تعیین ایدوب ترووانك اوزرینه یوریدیلر ایسه ده استحكاماتنك متانت و رصانتی مناسبتیله ضبطنه امكان بوله+میوب محاصرە+یه مجبور اولدیلر و اون سنه امتداد ایدن اشبو محاصره+ده نیجه بیك آدم تلف ایتدكدنصكره آلوب او كوزل مملكتی خاكله یكسان ایتدیلر و اثنای هرج و مرجده مرقوم پاریس و باباسی و متعلقساتی كاملاً تلف اولدی ولكن محاربه+یه كلان حكمدارلركده كیمیسی اثنای محاربه+ده تلف اولمغله و كیمیسی عودت ایدركن یاخود مملكتنه واردقدنصكره درلو درلو فلاكتلره اوغرامغله شان غالبیت برونلرندن كلدی. بعض كمسه+لر (ترووا)یه اسكی استانبول دیرلر ایسه ده اسکی استانبول مذكور ترووانك خرابه+سی جوارنده اسكندر رومی جنراللرندن انتی+غون)ك بنا ایتدیردیكی شهر اولمق احتماله دها قریبدر.