لغات تاریخیه و جغرافیه

Lugat-ı Tarihiyye ve Coğrafiyye

ترمومترو

Termometre

ترمومترو — درجۀ حرارت هوایی بیلدیرر بر آلتدر. لسانمزه نقل اولندیغی حالده (مقیاس الحراره) دیمك لازم كلور بونك اون التنجی عصر میلادی اواخرنده (غالیله) نام حكیم یاخود فلمنک اطباسندن (دره+پل) ویاخود وندیك اطباسندن (سانقتوریوس) معرفتیله اختراع اولندیغی روایت اولنور. اشبو ترمومترو اساساً بر مقیاسی حاوی لوحه اوزرینه بر شیشه انبوبه+نك هواسی تخلیه اولندیغی حالده ایچنه جیوه یاخود رنكلی اسپرتو قونیلە+رق ربط اولنمسندن عبارتدركه درجۀ حرارت مذكور جیوه و اسپرتونك صعود و نزولندن اكلشیلور. ترمومترو اوچ نوعدر (٢١٢) درجه+یه منقسم اولان و (فاحرنهیت) دنیلن برینی دانزیقده معلملك ایدن (فاحرنهیت) نام حكیم (١٧١٤ م و ١١٢٧ ه) تاریخنده ترتیب ایتدی و (٨٠) درجه+یه منقسم اولان و (رؤمور) دنیلان دیكرینی (١٧٣١ م و ١١٤٤ ه) تاریخنده وفات ایدن (رؤمور) ترتیب ایتدی و (١٠٠) درجە+یه منقسم اولان و (سانتیغراد) دنیلان اوچنجیسنی دخی (١٧٤٤ م و ١١٥٧ ه) تاریخنده وفات ایدن (سلسیوس) ترتیب ایلدی. بونلرك جمله+سنك صفر درجە+سی نقطۀ انجماد و اك یوقاری درجه+سی نقطۀ غلیاندر.