تركمان — تركستان اهالیء قدیمه+سندن بر قبیلۀ جسیمه+در. بونلر مقدما اقوام تركیه ایله برابر آسیانك برو طرفلرینه اینوب ایران و هرات و كابل اراضیسنه یایلمشلر و (سیحون) و (جیحون) نهرلری آره+سنده مسكون اولدقلری اثناده (اوغوز) قبیله+سندن معدود طاننمشلر ایدی اول وقت یعنی (٩٦١ م و ٣٥٠ ه) تاریخنده خانلری اولان (سالوز خان) و ایكی بیك خانه خلقی شرف اسلامله مشرف اولوب خان مومی الیه (قره خان) تسمیه اولندی و بونلرك تركلر كبی قبول اسلامده مسابقه+لری
فارسیجه تركه بكزه+یان معناسنی افاده ایدن اشبو (تركمان) نامیله شهرتلرینه سبب اولدی. (تركمان) تارك ایمانك غلطیدر سوزی غلط محض و هذیاندر
تركمانلرك صوك وطنلری بحر حزز و اورال كولی ایله خیوه خانلغی و جیحون نهری و (اترك) وادیسی بیننده+كی اراضی اولدیغیچون بورالره تركمانستان دیرلر و شمال قسمی اهالیسنه (یمود) تركمانلری و جنوب قسمی اهالیسنه (تكه) تركمانلری و بحرر حززك ساحل شرقیسنده اولنلره شرق و ساحل غربیسنده بولنانلره غرب تركمانلری اطلاق ایدرلر. سیاحین اسلامیه+نك خبر ویردكلرینه كوره تركمانستان اهالیسنك كافه+سی صالح و متدین و جسور و متناسب الا عضا آدملردر و تناسب اعضا و اندام جهتیله كرجیلره بیله فائقلردر