تركستان یاخود (تاتارستان) — آسیانك بر قطعۀ جسیمە+سیدر بو قطعه ایكی+یه منقسم اولوب بری تركستان چینی و دیكری تركستان مستقل یاخود نبیر نامیله معروفدر
یرلی و چینلی اهالیسك (چیانشان) دیدكلری تركستان چینی چین ممالكنك جهت غربیسنی تشكیل ایدن اسیای وسطادە+در و شرقدن غربه طوغری طولی بیك طقوز یوز و عرضی سكز یوز كیلو مترودر وجهت جنوبیسنی (جبل الزرقا) دیدكلری (چونغلین) طاغلری قطع و تحدید ایتمشدر اهالیسی ایكی ملیوندن عبارتدر و كاشغر و (یاركند) و آق صو ممالك مشهوره+سندن اولوب اشبو آق صو چین حكومتی طرفندن حمایه و اداره+یه مأمور اولان ذاتك مقریدر بورانك پك بیوك
طاغلرله احاطه اولنمش اولان صحراسی غایت واسع و اكثر محللری منبت اولوب طاغلرنده یبانی آتلر و اوكوزلر و دوه+لر و قوچلر و زنكین معدنلر و ذیقیمت طاشلر بولنور و ترك و مغول جنسندن اولان و اكثریسی بدویت حالنده بولنان اهالیسنك همان كافه+سی مسلماندر
تركستان مستقل) دخی تركستان چینی و قرقیز و هندستان و كابل و بحر حزز و ممالك روس ایله محدود و (بخارا) و (خیوه) و (خوقند) و (حصار) و (به خشان) و (سمرقند) و (بلخ) و امثالی حكمدارلر و خانلقلر اشبو اراضی داخلنده موجود اولوب مجموع اهالیسی طقوز ملیون رادە+سنده+در و اكثریسی اسلامدر
اشبو قطعە+یه ایرانیلر (توران زمین) دیرلر و تاریخلر بوراده ایرانیلرله تورانیلر بیننده وقتیله پك چوق محاربه+لر اولدیغنی و جمشید و افراسیاب و فریدون كبی نیجه قهرمانلر كلوب كچدیكنی بیان ایدرلر.
ایرانیلر مؤخراً تركستانك جهت جنوبیسنی یعنی بخارا و خوقند و بلخ ولایتلرینی زیر حمایه+لرینه آلوب خیلی زمان صدرابلر معرفتلریله اداره ایتدیلر ایسه ده اسكندر یونانینك و اشكانی و ساسانیلرك و متعاقباً اسلامك ظهوری انلرده ده براقدیغی كبی جنكیزیلرك و تیموریلرك ظهوریده قطعۀ مذكوره+ده تأسس ایدن ادارە+لری كندو حاللرینه قومە+دی و اك صكره روسیه+لولر تسلطه باشلایوب هر طرفنده نفوذینی یوروتدی (١٨٧٣ م و ١٢٩٠ ه) تاریخنده خیوە+یی و متعاقباً طاشكندی زیر حمایه+سنه آلدی و (اورال) كولنده دونمه ترتیب ایتدی