ترانسیلوانیه — مجارستان جهت شرقیسنده و افلاق و بغدانك اتصالنده و التمش بیك كیلومترو مربعنده و الیوم اوستریا دولتنك زیر اداره+سنده بر بیوك ولایتدر ایكی ملیون اهالیسی واردر و ترانسیلونیا لاتین
لسانی اوزره اورمانلرك وراسی دیمك اولوب فقط شمدیكی اسمی بورالرجه (اردل) و اوستریالولرجه یدی قلعه معناسنه اولان (زیبن بورغ)در و مركز اداره+سی (قلور بورغ) شهر شهیریدر. اسكی زمانده مملكتین ایله برابر (داسیا) یاخود (داكیا) قطعه+سی دینلور ایدی.
هرمنستاد و قرونشتاد و بروس بلاد مشهورە+سندن اولوب قرونشتادك نفوسی اوتوز بیكدن و دیكرلری بوندن اشاغی دكلدر.
ترانسیلوانیانك اراضیسی محصولدار ایسه ده هر طرفی زرع اولنمز لكن كوزل آت و سائر حیوانات یتیشور و اهالیسی آلمان و افلاق و مجار لسانلریله تكلم ایدر. بوراسی (١٠٠٤ م و ٣٩٥ ه) تاریخنده مجارلره كچوب خیلی زمان صكره دولت علیه طرفندن محاربات عدیده ایله اشغال اولندی (١٥٥٦ م و ٩٦٥ ه) تاریختده برنجی فردینان (ژان دانون) نام پرنسی مجارستان تاجندن محروم ایلدیكنه بناءً مومی الیه دولت علیه حمایه+سنه كیروب او سایە+ده ترانسیلوانیا امارتنده تقرر ایلدی و مؤخراً یعنی (١٦٩٩ م و ١١١١ ه) تاریخنده قارلوفچه معاهده+سی اثناسنده (لویولید) نام ویوده دولت علیه حمایه+سنی ترك ایدرك اوستریا حمایه+سنه میل ایلدیكندن معاهدۀ مذكوره+یه ادخال اولنوب دولت علیه حمایه+سندن چیقارلدی و دها صكرە ترانسیلوانیا پر نسلرینك سلاله+سی منقطع اولمق جهتیله اوستریا دولتی طوغریدن طوغری+یه تحت اداره+یه آلدی.