ترانت آن — المانیاده پروتستانلر ایله قتولكلر بیننده (١٦١٩ م و ١٠٢٩ ه) تاریخندن اعتباراً اوتوز سنه امتداد ایدن محاربه+نك اسمیدر. بو محاربه ایمپراطور ایكنجی فردینانك بوهمیالولره ویردیكی حریت امتیازینی لغوی مناسبتیله تحدث ایتدی و پروتستان اولان پرنسلر ایمپراطور ایله متحد بولنان قتولك پرنسلر ایله طوتیشوب درت سنه سورن ایلك محاربه+یی قتولكلر قزاندی و دانیمارقه قرالنك مداخله ایلدیكی ایكنجی محاربه قرال مشارالیهك مغلوبیتیله نهایت بولدی و پروتستانلرك ابتدا غالب و صكره (١٦٣٥ م و ١٠٤٥ ه) مغلوب اولدیغی اوچنجی محاربه (پراغ) معاهده+سیله برطرف اولدی تاریخنده بدأ ایدن دردنجی محاربه دخی فرانسه+نك اوستریا علیهنه اولە+رق پروتستانلره معاونتی مناسبتیله اون اوچ سنه امتداد ایدوب نهایت اوچنجی فردینانك مصالحه+یه رغبتیله پروتستانلرك حریتنی نتیجه ویردی.