لغات تاریخیه و جغرافیه

Lugat-ı Tarihiyye ve Coğrafiyye

ترازو

ترازو — جمله+نك معلومی اولان وزن آلتیدر ترازو اعمالی برقاچ شرطه توقف ایدر شویله كه اولا قولك تعلق اولندیغی نقطه مركز ثقلتنك فوقنده بولنملیدر زیرا تحتند اولسه موازنتی متحول اولور ثانیاً نقطۀ تعلیقك ایكی طرفنده اولان قول بعدلری بربرینه صحیحاً مساوی اولملیدر زیرا مساوی اولمزلر ایسه متساویء الوزن جسملر ایله ولو بوش ایكن موازن اولسون بر شیئی وزنده طوغری اولمز ثالثاً ترازونك قول بعدلری اوزون و تعلیق نقطه+سیله كوزلرك تعلیق اولندقلری نقطه+لر بر خط اوزرنده اولور ایسه ترازو دها صحیح اولە+رق جزئی زیاده ویا نقصان اولان وزنی حس ایدر و هر حالده وزن اولنە+جق اشیانك ثقلتنه كوره متین اولمق لازم کلور.