تراژان — رومه ایمپراطورلرندن برینك اسمیدر. بو ذات (٩٨ م تاریخنده تخته جلوس ایدوب مدت سلطنتی اولان اون طقوز سنه ظرفنده قولشید) و (اپیری) حكومتلرینی و عربستانك بر قسمنی تحت حمایه+سنه الدی و (البانی)یه كوندردیكی پرنسی اهالی+یه قبول ایتدیردی و ملكنده اولان یهودیلر عصیان ایلدیكندن كیدوب فوق الغایه شدتله تأدیب و خیلیسنی اخرته ارسال و بر چوغنی دیار اخره طرد و تبعید ایلدی. یالكز قبریسده اعدام ایتدیردیكی یهودیلرك مقداری ایكی یوز اللی بیك نفره بالغ اولدی دیرلر. تراژانك زماننده مملكتین قطعه+سنی دخی روما دولتنه کچمش ایدی مملكتین اوچ دفعه قیام ایلدیكی حالده مشار الیه اوچنده ده حقنی اوجنه ویروب بعدما عصیانلری وقوعنده سهولتله تربیه+لرینه واسطه اولمق اوزره اوچنجی سفرنده طونه اوزرینه كاركیر و جسیم بر كوپری یاپدیرمشدر.