)تذكرۀ ابن بیطار — علم طبه دائر بر كتابدر ابن بیطار كلمه+سنه مراجعت بیوریله
)تذكرۀ ابن حمدون — (١١٦٦ م و ٥٦٢ ه) تاریخنده وفات ایدن فاضل مشهور كاتب ابوالمعالی محمود بن حسن بغدادینك تاریخ و اداب و اشعار و نوادردن باحث اثریدر
ذهبینك تاریخ عبرده بیاننه كوره تذكرۀ مذكورە+نك صاحبی اولان كاتب دولت ابو سعد حسن بن محمود حمدون (١٢١١ م و ٦٠٨ ه) تاریخنده وفات ایتمشدر
تذكرۀ ابن طرخان — (١٢٢٣ م و ٢٦٠ ه) تاریخنده وفات ایدن شیخ الاطبا علامه عزالدین ابواسحق ابراهیم بن محمودك اثریدر و مومی الیه برده تذكرۀ سویدیسی واردر بونده امراض و ادویۀ مفرده+یی بیان ایدر
تذكرة الاحباب — كمال الدین حسن الفارسینك اعداد متحابه و متباغضە+یی مبین یازدیغی اثر جلیلدر مومی الیهك علوم ریاضیه+ده اولان مهارتی بوندن دخی مستبان اولور
تذكرۀ امین الدین — (١٢٤٧ م و ٦٧٣ ه) تاریخنده وفات ایدن محمد بن علی محلینك شعار محدیثنی جامع اثریدر
تذكرة الاولیاء— فارسی . (١٢٢٩ م و ٦٢٧ ه) تاریخنده وفات ایدن عطار همدانی شیخ فرید الدین حضرتلرینك مناقب كبار مشایخ و اولیایی جامع اثریدر
) تذكرة الاولیاء— تركی .خواجه پاشا دیمكله شهرت بولوب (١٤٨٦ م و ٨٩١ ه) تاریخنده وفات ایدن (یوسف سنان بن خضر)ك اثر بركزیده+سیدر
تذكرة الخواص و عقیدة اهل الاختصاص — شیخ محیی الدین العربی حضرتلرینك بعض احباسی طرفندن و قوعبولان سؤال و التماسه بناءً عقائد ذاتیە+سنی و ابداع و ایجاد و صورتلرنده كورینان آثار صنایع آلهیه+یی مبین یازدیغی رسالۀ جلیله+در
تذكرة الشعرا — (١٦٠٣ م و ١٠١٢ ه) تاریخنده وفات ایدن قنالی زاده حسن چلبی و (١٦٤٤ م و ١٠٥٤ ه) تاریخنده وفات ایدن شاعر مشهور ریاضی) چلبی و (١٥٨٢ م و ٩٩٠ ه) تاریخنده وفات ایدن لطیف قسطمونی و امثالی ذوات كرامك آثار و احوال شعرایی مشعر یازدقلری كتابلردر
تذكرة الصفدی — اوتوز جلد (١٣٩١ م و ٧٩٤ ه) تاریخنده وفات ایدن ادیب مشهور (صلاح الدین خلیل) بن ایبکک لطائف ادبیات و نوادر اشعاری جامع اثر نفیسیدر
تذكرة العلماء — شیخ شمس ا لدین محمد جزرینك علم حدیثک شرف و شاننی و زمان رواج و كسادینی مبین تألیف ایتدیكی كتابدر
تذكرة فی الفروع — مورخ مشهور ابن خلكانك روایتنه كوره بو كتاب سلطان شام عیسی بن ملك عادل ایوبینك وقوع طلبنه بناءً موجود اولان فقهانك اجتماعیله تألیف اولنمش بر اثر جلیلدر مندرجاتی فروع مسائل حنفیە+دن عبارتدر مشار الیه بونی دائما یاننده طاشیر و مطالعه ایدرایدی (١٤٠١ م و ٨٠٤ ه) تاریخده وفات ایدن سراج الدین عمرك دخی مذهب شافعی اوزرینه بو نامده بر كتابی واردر