تحفة الاخبار — فاضل معروف كاتب چلبینك حروف هجا ترتیبی اوزرینه محاضمات و نوادر و ادبیاتی جامع اثریدر
تحفة الاحرار — فارسی نورالدین عبدالرحمن بن احمد جامینك میر خسروك مطلع انوار و نظامینك محزن اسرارینه نطیره اولمق اوزره امور حكمیه و نصایحی مشتمل اثر منظومیدر
تحفة اهل التحدیث — (١٤٤٨ م و ٨٥٢ ه) تاریخنده وفات ایدن حافظ شهاب الدین ابی الفضل بن احمد عسقلانینك اثریدر
تحفة التدبیر لاهل التبصیر — شیخ محی الدین عربی حضمتلرینك تلامیذندن اسماعیل تونسینك علم كیمیایه دائر رساله+سیدر
تحفة الاسلام— تركی .شعرای رومدن مردمی بو كتابده ایات قرأنیە+دن قرق آیت و احادیث نبویە+دن قرق حدیث شریفی قطعه قطعه نظم و تفسیر ایتمشدر او جملە+دن ( فأماالیتیم فلا تقهر و اما السائل فلاتنهر) آیت كریمه+سنه یازدیغی قطعه شودر
مال ایتام زهر قاتلدر ییوب آنی یتیمه قهر ایتمه
اشك سایل اساس عمری ییقار صاقن آنی قتكده نهر ایتمه
تحفة الشاهیه — (١٣١٠ م و ٧١٠ ه) تاریخنده وفات ایدن علامه قطب الدین محمود بن مسعود شیرازینك هیئت اجرام بسیطه و ارضدن و مقادیر و ابعاد و اجرامدن باحث اثریدر بونك اوزرینه علی فوشجی+نك دخی بر شرحی واردر
تحفة الغرائب— فارسی . (١٥٧٩ م و ٩٨٧ ه) تاریخنده وفات ایدن علمشاه عبدالرحمن بن صاچلی امیرك خواص اشیا وانواع حیلدن باحث اثریدر
تحفة الصدور— فارسی . محمد بن عبدالكریم غزنوینك (١٣٤٣ م و ٧٤٤ ه) تاریخنده فن حسابه دائر چیقاردیغی اثردر
تحفة العراقین — فارسی (١١٨٦ م و ٥٨٢ ه) تاریخنده وفات ایدن افضل الدین ابراهیم بن شاعر خاقانینك اثر منظومیدر
تحفة العشاق ترمی — (١٥٣٤ م و ٩٤٠ ه) تاریخنده وفات ایدن محمد محی الدین بن خطیب قاسمك منظوم بر اثر سلاستكستریدر (١٥٢٤ م و ٩٣٠ ه) و (١٥٠٣ م و ٩٠٩ ه) و (١٢٢٥ م و ٦٢٢ ه) و (١٥٩٩ م و ١٠٠٨ ه) تاریخلرنده وفات ایدن عطاء اسكوبی و حمدی بن آق شمس الدین و ابی حسن علی بن بكمش تركی و مصطفی بن احمد عالی نام ذواتك دخی بو نامده منظوم آثر تركیه+لری و خلیلی مرحومك بر اثر فارسیسی واردر
تحفة الفقهاء — امام علاء الدین محمد بن احمد سمرقندینك فروعه متعلق اثر جلیلیدر بونی مؤخراً تلمیذی امام ابو بكر بن سعود كاشانی اوچ جلددن عبارت اولان (بدایع الصنایع فی ترتیب الشرایع) آدلو كتابله شرح ایلدی
تحفة الكرام بأخبار الاهرام — شیخ جلال الدین عبدالرحمن بن ابی بكر سیوطینك اثریدر (تحفة الانجاب بمسءلة السنجاب) و (تحفة الناسك نبكت المناسك) و (تحفة التابه فی تلخیص المتشابه) و (تحفة الظرفا) تحفة الجلسا) نام كتابلر دخی مشار الیهكدر
تحفة الملوك— فارسی . ابی بكر بن مسعودك فن طبه دائر اثریدر