لغات تاریخیه و جغرافیه

Lugat-ı Tarihiyye ve Coğrafiyye

تجارت

تجارت — داخلی و خارجی نامیله ایكی+یه آیریلور. صیدا و صور شهرلریله (قارتاح) شهری وقتیله آق دكز تجارتنی انحصاره آلمشیدی (آتنه) شهریله ازمیر و مارسلیا و میله شهرلرنده اولان روملر مؤخراً بونلرایله رقابته باشلادیلر بتولە+مه زمانلرنده اسكندریه شهری آسیا و آفریقا قطعه+لرینك انباری حكمنی الدی. استانبول ایله سلانیك شهرلرینك تجارتجه اهمیت قزانمغه باشلاملری بشنجی عصره مصادفدر طقوزنجی عصر ابتدالرنده ایتالیا شهرلری خصوصیله وندیك و جنوه بتون شرق ایله برابر آوروپا تجارتنی تحت انحصلره آلمشلر ایكن قرستوف قولومبو ایله واسقو غامانك كشفیات جدیده+لری بتون تجارتی غربه نقل ایلدی و اون دردنجی عصرده پورتكیزلولر هنده حاكم و اون التنجی عصرده اسپانیوللر امریقاده و فلمنكلولر (سند)ده توسیع تجارت ایله مشغول اولدی و اون ایكنجی و اون اوچنجی و اون دردنجی (لوؤیلر) زماننده فرانسزلرك دائرۀ تجارتی كركی كبی توسع ایلدیسە ده انكلیزلرك هر یرده (قونتوار) نامیله تشكیل ایتدكلری شركتلر فرانسه تجارتنك كسرینه سبب اولدی حالا انكلیزلر آمریقالولر ایله دخی رقابت ایتمكده+درلر اوروپالولر تجارت خارجیه+نك شوكت ملیه+یه اولان تأثیرینی لایقیله اوكرندكلرندن مخصوص تجارت قانونلری ترتیب و تجارت نظارتی تأسیس ایتدكدن بشقه هر مملكت ممالك سائره ایله عقد ایتدكلری تجارت معاهده+لرینك ایجابات زمانیە+یه موافق تعدیلاتنی و تجارتك احتیاجات سائره+سنی حكومته اخطار ایتمك اوزره بیوجك شهرلرده معتبران تجاردن مركب تجارت جمعیتلریله تجارت محكمە+لری تشكیل و تجارت مكتبلری كشاد و صرف تجارتدن بحث ایدر آثار تألیف و تدوین ایتدیلر الان ترقیسی ایچون اوغراشمقده+درلر. تجارتده سرمایه . (اولاً) امنیت و انصاف و صداقت (ثانیاً) فنون تجارتی تحصیل ایله برابر اربابنه خدمت (ثالثاً) اقتدار خارجنه تجاوزدن مجانبت (رابعاً) آز كاره قناعت (خامساً) قیود دفاترده الترزام صحتدر