تپه دلنلی علی پاشا — یانیه و ملحقاتی والیسی ایدی بو ذات دولت علیە+یه پك چوق خدمت ایتدیكی و (پازواند اوغلی) اوزرینه و سائر امر اولنان محللره مستوفی عسكر ایله كیدوب كوزل ایشلر كوردیكی حالده مؤخراً مركز سلطنت سنیە+ده اولان بعض غرضكارلرك القاأتندن توحش ایدرك كندوسنی چكمكه و قوتلی بولنمق ایچون ایلات متجاورە+یی ایدنمكه و لزومندن زیاده عسكر طوپلامغه باشلادیغندن مركز سلطنت بوكا عصیان معناسی ویره+رك بر حسن صورتله جلبی تدابیرینه تشبث ایلدی و درسعادته كلمسی ایچون باب عالیدن و جانب جناب پادشاهیدن كوندریلان امرلر و فرمانلر درجه درجه شدتلندكجه علی پاشا دخی تداركاتی او نسبتده بیولدوب نهایت (١٨١٩ م و ١٢٣٥ ه) تاریخنده برنجی دفعه یانیه+دن ماعدا ممالكدن ال چكوب دبره و ماط بكلریله اوغراشمامسی و ایكنجی دفعه اولاد و عیالیله تپه دلنه كیدوب اوراده اقامت ایتمسی ایچون فرمان پادشاهی شرفصادر اولدیغی حالده ایكیسنە ده قولاق ویرمدیكندن اوچنجی دفعەده اخذ واعدامی حقنده فرمان جلادتعنوان صادر اولدی و عسكر و دوننما
سوق اولنوب پارغه و پره+وزه و آولونیه و اینه بخت طوپه طوتلدی و علی پاشانك اوغلی ولی پاشا بلا رخصت پرە+وزە+یه كتدیكیچون ترحالە+دن غرل و وزارتی رفع اولندی و ایرتسی سنه علی پاشا ید ادارە+سنده اولان قلعه+لرك جمله+سی ضبط اولندیغی و عسكرینك طاغلدیغنی كوردیكی كبی درت بیك قدر ارنود و روم عسكریله (لیناریچه) و (كول) قلعه+لرینه قپانوب بر طرفدن مدافعە+یه و دیكر طرفدن كندوسنه لزوم كوستروب او صورتله یقایی قورتارمق ایچون علی روایة یونانستانی افاده باشلادی و بو حال اوزره بر سنه دها چقوب مومی الیهی محاصره+یه مأمور اولان خورشید پاشا عفوینه دائر تنظیم ایتدیکی ساخته فرمانی قرعه ایله انتخاب اولنان بر فدایی ضابط واسطه+سیله كولك اورته+سنده قپانمش اولدیغی اطە+یه كوندردی و علی پاشا دخی صحیح ظنیله قارشولیوب تشكر ایدركن فدایی مرقوم طبانجه ایله اوروب قفاسنی خورشبد پاشایه كتوردی (٢٠ كانون ثانی سنه ١٨٦١) قبری مذكور كولك كنارنده+كی جامع شریف خطیره+سنده+در. .