لغات تاریخیه و جغرافیه

Lugat-ı Tarihiyye ve Coğrafiyye

تبلر

Tebellür

تبلر — اجسامك بللورلشمی خاصه+سنه دنیلور بوده كرك صنعی و كرك طبیعی اولسون یار طب ویاخود یابس اولە+رق وقوعبولور یعنی یا صو دروننده حل اصولی اوزره ویاخود اذابه طریقیله حصوله كلور مثلا هر قنغی بر ملح صو دروننده حل اولنوب بعده محلولك بر مقداری تبخیر ایدلسه ملح مزبورك صودن ایرلدیغی صره+ده (تبلر) ایتدیكی كوریلور و ینه بر معدن و بالفرض (بزموط) اذابه اولنوب بعده صغوغه ترك اولنسه و بونكله برابر (تبلر) ایتمیان صو اصول مخصوصه+سیله بوشالدلسه درعقب مذاب بیزموط بللورلشور و بللورلشمه كیفیتی نقدر آغر اولورسه بللورلری او قدر كوزل اولور. صویك قعرینه ترسب ایدن بللورلرده آز چوق صو بولنمغله یابس هوای نسیمیله تماسه كلدیكنده چیچكلنوب کثافت پیدا ایدرك طوز حالنه رجوع ایتدیكی كبی جزئی بر حرارتله تمیع ایتملرینه دخی واسطه اولور مع هذا جزؤی بر حرارتله وقوعه كلان اذابه (تبلر)دن حصوله كلان صویی تبحیر ایتمكله صو النمش اولوركه حرارتله ینه اذابه اولنه+بیلور قوری و صوده منحل ملحلر صو ایله تماس ایدنجه اولجه ضایع ایتدكلری صویی اله+جقلرندن حرارت حاصل ایدرلركه بوده یانمش آلچی بر قابه قونیلوب اوزرینه اورتیلنجە+یه قدر صو دوكلمكله ثابت اولور.