تبت — تاتارستان چین و كوە+نور ایالتی و تركستان بالا ایله هندستان و بوتان قطعه+لری میاننده بر ولایت ممتازۀ جسیمه+در شرقدن غربه
طوغری طولی ایكبیك سكز یوز و عرضی طقوز یوز قرق كیلو مترودر و اهالیسی كاملاً بودا مذهبنده اولمق اوزره التی ملیون تخمین اولنمقده+در و ایکی+یه منقسم اولان تبتلردن بیوك تبتك مركز اداره+سی اندوس یعنی شند نهری اوزرنده واقع (لاداق) شهری و كوچك تبتك مركز اداره+سی براهما پوتر نهری اوزرنده واقع (لاسه) شهریدر بو ولایتك اراضیسی دنیانك اك مرتفع محلی اولدیغی حالده هواسی غایت یابس و چوللری چوق و موسمی بر دوزی+یه اولوب اهالیسی اكثریا فقیر و حلیم و تنبلدر.
بوراده اعلا كچی یپاغیسی چیقار و بونكله كشمیر شاللری و سائر اقمشه طوقینور و معدنلرندن خیلی حاصلات آلنور یازولری علما وعوامه مخصوص اولمق اوزره ایکی درلو اولوب لسانلری چین لساننه مشابهدر.