تبابعه — ابتدا یمنده حكومت ایدن ملوكه مخصوص بر عنواندر. سلالۀ سامیە+دن قحطان بن عابرك اوغلی (یعرب) قوم عاد هلاك اولدقدنصكره سائر قرنداشلری و عشیرتیله برابر هندستاندن ارض یمنه كلوب توطن ایتمش و جمله+سنك اداره+سنی درعهده ایلمش اولدیغندن مومی الیه ملوك تبابعه+نك برنجیسی عد اولندی. بعضیلری اول اقیال یمن ( سباء عبدشمس بن حمیر)در دیرلر هر نه حال ایسه ملوك تبابعه+نك ابتدای ظهوری( ٣٠٤٤ خ) تاریخندن یعنی میلادك ایكبیك بشیوز اللی سنه مقدمندن صكره+جه و انقراضلری ٤٩٨ م) تاریخنده تخمین اولنور. تبابعه+دن (حمیر بن سباء) و(حارث الرایش) و (بلقیس بن هداد) و (شمر) و (تبع بن الاقرن) و (ذونواس) کبی قوتلی و عاقل پادشاهلر كلمشدر بونلره ابتدا (ملوك سباء) دنیلوب صكره یعنی حمیر زماننده (ملوك حمیر) دنیلش و تبع اولدن بداء ایله (ملوك تبابعه)یه تحویل و عنوان اتخاذ اولنمشدر. ناملری اكثریا (ذوالیزن) و (ذوشناتر) و (ذونواس) كبی شیلر اولدیغندن (اذواء یمن) دخی دیرلر.